ഷാവ്ഷാങ്ക് റിഡംപ്ഷന്
1/30/2013 06:42:00 AM Edit This 0 Comments »
ഈ തുടക്കത്തില് നിന്ന് അനാവശ്യമായ ആകാംക്ഷയിലേയ്ക്കൊന്നും സിനിമ നീങ്ങുന്നില്ല (പ്രേക്ഷകന്റെ ക്ഷമയെ പരീക്ഷിക്കുന്ന, യാഥാര്ത്ഥ്യബോധത്തെ ചോദ്യം ചെയ്യുന്ന തരത്തിലുള്ള നിഗുഢമായുള്ള കഥപറച്ചില് സിനിമയെ അരോചകമാക്കും എന്ന് 'അപസര്പ്പക' സിനിമകളുടെ ചക്രവര്ത്തി എന്ന് വിശേഷിപ്പിക്കപ്പെടുന്ന ആല്ഫ്രഡ് ഹിച്ച്കോക്ക് പറഞതോര്മ്മവരുന്നു). ആന്ഡി നിരപരാധിയാണെന്ന് നമുക്കനുമാനിക്കാം. അതിനു വിരുദ്ധമായതൊന്നും കാണുന്നില്ല.
തെളിവുകളെല്ലാം ആന്ഡിയ്ക്കെതിരായിരുന്നു. തന്റെ നിരപരാധിത്തം കോടതിയെ ബോധ്യപ്പെടുത്തുന്നതില് പരാജയപ്പെട്ട്, ജീവപര്യന്തം കഠിനതടവിന്, കൊടുംകുറ്റവാളികളെ പാര്പ്പിക്കുന്ന 'ഷാവ്ഷാങ്ക്' ജയിലേയ്ക്കെത്തുന്നു. പുനരധിവാസത്തിനുള്ള മാനസീകമോ ശാരീരികമോ ആയ സാധ്യതകള് സാദ്ധ്യമല്ലാത്തത്ര വാര്ദ്ധ്യകത്തിലെത്തുമ്പോള് മാത്രമാണ് പലപ്പോഴും പരോള് പോലും അവിടെനിന്ന് ലഭ്യമാകുക.
ക്രൂരതയില് വിനോദം കണ്ടെത്തുന്ന ജയില് ഗാര്ഡ്സ്, കുശാഗ്രബുദ്ധിക്കാരനും അഴിമതിക്കാരനുമായ വാര്ഡന്, ജീവിതത്തില് മറ്റൊന്നും പ്രതീക്ഷിക്കാനാകാതെ ജയിലിന്റെ യാന്ത്രികതയുമായി പൊരുത്തപ്പെട്ടു ജീവിക്കുന്ന തടവുകാര് ഇതൊക്കെയായിരുന്നു ജയില്. മറ്റേതൊരു തടവുകാരനേയും പോലെ അവിടത്തെ കഠിനമായ യാഥാര്ത്ഥ്യങ്ങളെ അയാള്ക്കും അഭിമുഖീകരിക്കേണ്ടതായി വരുന്നുണ്ട്.
എന്നാല് തന്റെ സ്വതസിദ്ധമായ നിഷ്കളങ്കത, അചഞ്ചലമായ പ്രതീക്ഷ, ബാങ്കില് ജോലിചെയ്തിരുന്നതിലെ പ്രവര്ത്തിപരിചയം എന്നിവ ഉപയോഗിച്ച് പരിമിതമെങ്കിലും തന്റേതായ ഒരു സ്ഥാനം ഉണ്ടാക്കിയെടുത്ത്, അത് മറ്റ് തടവുകാര്ക്കുകൂടി ഉപകാരപ്രദമാകുന്ന രീതിയിലേയ്ക്കെത്തിക്കുന്നതില് ആന്ഡി വിജയിക്കുന്നു.
ഷാവ്ഷാങ്ക് റിഡംപ്ഷന് ആത്മസൗഹൃദത്തിന്റെ കഥകൂടിയാണ് പറയുന്നത്. ജയില് ജീവിതത്തിന്റെ തുടക്കത്തില് തന്നെ 'റെഡ്' എന്ന (Morgan Freeman) സഹതടവുകാരനുമായി ആന്ഡി സൗഹൃദത്തിലാകുന്നു. റെഡിലൂടെയാണ് പിന്നീട് കഥയുടെ ഗതിനീങ്ങുന്നത്. (ഹൃദയത്തിലിടംപിടിക്കുന്ന കഥാപാത്രാവതരണമാണ് പതിവുപോലെ മോര്ഗന് ഫ്രീമാന്റേത്)
ആന്ഡി തടവിന്റെ പത്ത് വര്ഷങ്ങള് പിന്നിട്ട് ഇരുപതിലേയ്ക്കടുക്കുന്നു. 'റെഡ് ' ജയില് ജീവിതത്തിന്റെ നാല്പതിലേയ്ക്കും.
വര്ഷങ്ങള് പിന്നിടുന്നു. കഥപറയാനുള്ള സിനിമയുടെ പരിമിതമായ സമയത്തെക്കുറിച്ചുള്ള ബോധ്യത്തില് നിരപരാധിയായ ആന്ഡിയുടെ മോചനം നമുക്കൊരു വേവലാതിയാകുന്നുണ്ട്. എന്നാല് ശക്തമായ തിരക്കഥ (തിരക്കഥ www.shawshankredemption.org എന്ന അഡ്രസില് ലഭ്യമാണ്, സ്റ്റോറി ബോര്ഡിന്റെ അല്പം ചിത്രങ്ങളടക്കം) അതിസൂക്ഷ്മമായ സംവിധാനത്തിലൂടെയും ഫ്രാങ്ക് ഡാരബന്റ് ( Frank Darabont) ഈ സിനിമയെ അതിന്റെ പൂര്ണ്ണതയിലെത്തിക്കുന്നതില് വിജയിച്ചിരിക്കുന്നു
Directed by Frank Darabont (Screen Play : Frank Darabont, Story (Rita Hayworth and Shawshank Redumption : Stephen Kind)
Cast (Main) : Tim Robbins (Andy Dufresne) and Morgan Freeman (Ellis Boyd “Red” Redding)
